Joshy Cyriac
തിരുവനതപുരം മുതല്‍ മംഗലാപുരം വരെ 634 കിലോമീറ്റര്‍ ബുള്ളെറ്റ് ട്രെയിന്‍!(മുല്ലപ്പെരിയാര്‍ കാരണം അത് കന്യാകുമാരിയില്‍ നിന്നും അല്ല!) മണിക്കൂറില്‍ 350 കിലോമീറ്റര്‍ സ്പീഡില്‍! സാങ്കേതിക വിദ്യയും, ട്രെയിനും, അതിനു വേണ്ട പണവും ജപ്പാനില്‍ നിന്നും. പണം പലിശ ഇല്ലാതെ... കേട്ടപാതി കേള്‍ക്കാത്ത പാതി കേന്ദ്ര സര്‍ക്കാര്‍ പദ്ധതി അംഗീകരിക്കുന്നു. ഇന്ത്യയില്‍ വേറൊരു സംസ്ഥാനത്ത് വേണമെന്ന് പോലും ആവശ്യപെടാത്ത ഒരു കാര്യം കേന്ദ്രം കണ്ട പാടെ അനുമതിയും കൊടുത്തിരിക്കുന്നു. മുക്കിയും മൂളിയും ഒരു ട്രെയിന്‍ പോലും തരാത്ത റെയില്‍വേ ബജെറ്റ് കണ്ടു തളര്‍ന്ന കേരളീയന് ആനന്തലബ്ദിക്ക് ഇനി എന്ത് വേണം. കേരളത്തില്‍ ഒന്നും നടക്കാന്‍ പോണില്ല എന്ന് കേന്ദ്രത്തിനു നന്നായി അറിയാം. അപ്പോള്‍ എന്തിനു വെറുതെ നോ പറയണം എന്ന് അവര്‍ കരുതിയിരിക്കും. അല്ല പിന്നെ.വാര്‍ത്ത വന്നപ്പോഴേ പാളയത്തില്‍ പട തുടങ്ങും... അതുറപ്പാ...
തോക്കും ബുള്ളറ്റും ഒക്കെ കേരളക്കാര്‍ കുറെ കണ്ടിട്ടുണ്ടു. ഇതെന്തോന്നാ ബുള്ളെറ്റ് ട്രെയിന്‍? രാവിലെ പത്രത്തിലെ മുന്‍പേജില്‍ വാര്‍ത്ത വായിച്ചു കുളിര്‍ കോരിയിട്ട കുട്ടപ്പന്‍ ചോദിച്ചതിലും കാര്യം ഇല്ലേ? തുടങ്ങി വെച്ച മെട്രോ റെയില്‍ പദ്ധതി എങ്ങനെ നടത്തണം എന്ന കാര്യത്തിലോ, ആര് പണിയണം എന്ന കാര്യത്തിലോ ഒരു തീരുമാനം ആയിട്ടില്ല... അതിനു മുമ്പേ പുതിയ പുതിയ സ്വപ്ന പദ്ധതികള്‍ ജനങ്ങള്‍ക്ക്‌ മുമ്പേ കാണിക്കുന്ന ചെപ്പടി വിദ്യ എന്തിനു വേണ്ടി എന്ന് മനസ്സിലാക്കാനുള്ള സാമാന്യ ബുദ്ധി കേരളത്തിലെ ജനങ്ങള്‍ക്കില്ലേ? (അടുത്ത ദിവസങ്ങളില്‍ പിറവം ബുള്ളെറ്റ് ട്രെയിന്‍ സ്റ്റേഷന്‍-ന്റെ കളര്‍ ചിത്രങ്ങളും പത്രത്തില്‍ ഉള്‍പ്പെടുത്തും എന്ന് കരുതുന്നു.) പിറവം തിരെഞ്ഞെടുപ്പ് മുമ്പില്‍ കണ്ടു ഇങ്ങനെ മനസ്സില്‍ ലഡ്ഡു പൊട്ടുന്ന എന്തെല്ലാം മോഹന വാഗ്ദാനങ്ങള്‍ ഇനി നമ്മുക്ക് കേള്‍ക്കേണ്ടി വരും!
ജീവിക്കാന്‍ വേണ്ടി കേരളത്തിലെ നേഴ്സുമാര്‍ നടത്തുന്ന സമരത്തില്‍ ഒന്ന് ഇടപെടുവാന്‍ പോലും കഴിവില്ലാതെ, ഭരണം കൈയ്യാളുന്ന ചിലര്‍ സ്വപ്ന ജീവികളെ പോലെ പെരുമാറുന്നതില്‍ വലിയ സങ്കടം തന്നെയുണ്ടു. ഒരു കാര്യം ശെരിയാണ്. നമ്മുടെ നാട്ടിലും ബുള്ളെറ്റ് ട്രെയിന്‍ പോലുള്ള വലിയ വലിയ കാര്യങ്ങള്‍ വരണം. പക്ഷെ അതിനു മുമ്പേ പരിഹരിക്കേണ്ട എത്രയോ യാത്രാ പ്രശ്നങ്ങള്‍ നമ്മുക്കുണ്ട്? രണ്ടു വര്ഷം മുമ്പ് കേന്ദ്രം അനുവദിച്ച മേമു ട്രെയിന്‍!, പാലക്കാട്‌ കോച്ച് ഫാക്ടറി! കൊച്ചി മെട്രോ! ജീവന് ഭീക്ഷണി ഉള്ള മുല്ലപ്പെരിയാര്‍ ഡാം പ്രശ്നം! പിന്നെ കഴിഞ്ഞ ബജെറ്റില്‍ തരുമെന്ന് മോഹിപ്പിച്ച പുതിയ ട്രെയിനുകള്‍ എന്നിങ്ങനെ എണ്ണിയാല്‍ തീരാത്ത കാര്യങ്ങള്‍... ഒന്നും നടക്കുന്നില്ല. പിന്നെയാണ് ഇന്ത്യയില്‍ കേട്ട് കേള്‍വി മാത്രമായ ബുള്ളെറ്റ് ട്രെയിന്‍! സ്കൈ സിറ്റി പദ്ധതി! എല്ലാം നടന്നത് തന്നെ!
പിറവം എലെക്ഷന് മുമ്പ് നമ്മള്‍ എന്തൊക്കെ കാണേണ്ടി വരും? യേശു ദേവനെ ചിലര്‍ വിപ്ലവകാരി ആക്കുന്നു. മറ്റു ചിലര്‍ പ്രതിപുരുഷന്‍മാരെ നികൃഷ്ട ജീവി എന്ന് വിളിച്ചു എന്ന് എപ്പൊഴും പറഞ്ഞു കൊണ്ടേ ഇരിക്കുന്നു. (പിണറായി നികൃഷ്ട ജീവി എന്ന് ഒരിക്കലേ പറഞ്ഞുള്ളൂ. ഇനി ഒരിക്കലും പറയാനും പോണില്ല) പക്ഷെ പിണറായി പറഞ്ഞതായി അനേകം തവണ പിണറായിയുടെ എതിരാളികള്‍ "നികൃഷ്ടജീവി! നികൃഷ്ടജീവി!" എന്ന് വിളിച്ചു എന്ന് തുടരെ തുടരെ നമ്മെ ഓര്‍മിപ്പിക്കുമ്പോള്‍ നികൃഷ്ട ജീവി എന്ന് വിളിക്കപ്പെട്ടവരുടെ അപമാനം കൂടുമോ അതോ കുറയുമോ? ഇതൊക്കെ കേട്ട് ചെവി മടുക്കുമ്പോള്‍ എങ്ങനെയെങ്കിലും ഈ പിറവം തിരെഞ്ഞെടുപ്പ് ഒന്ന് കഴിഞ്ഞു കിട്ടിയാല്‍ മതിയായിരുന്നു എന്ന് ആര്‍ക്കും തോന്നിപ്പോവും. പിന്നെ ഭരണത്തില്‍ ഇരിക്കുന്നവര്‍ക്ക് ഒരു മറുപടി കൊടുക്കണം എന്ന് ആര്‍ക്കെങ്കിലും തോന്നിയാല്‍ കുറ്റം പറയാന്‍ പറ്റുമോ?
ബുള്ളെറ്റ്: എല്ലാം കേട്ട് ഇനി പത്രക്കാര്‍ ആരെങ്കിലും മുഖ്യമന്ത്രിയോട് പദ്ധതി കാര്യം ചോദിച്ചാല്‍ ഉത്തരം സ്പഷ്ടം."ബുള്ളെറ്റ് ട്രെയിന്‍? ബുള്ളെറ്റ് ഞാന്‍ ട്രെയിനില്‍ കൊണ്ട് പോകാറില്ല. അങ്ങിനെയൊന്നു വലിയ നിശ്ചയം പോര....എന്നാ ശെരി..." പിന്നെ ഒരു ചിരിയും...
പിറവം എലെക്ഷന് മുമ്പ് നമ്മള്‍ എന്തൊക്കെ കാണേണ്ടി വരും? യേശു ദേവനെ ചിലര്‍ വിപ്ലവകാരി ആക്കുന്നു. മറ്റു ചിലര്‍ പ്രതിപുരുഷന്‍മാരെ നികൃഷ്ട ജീവി എന്ന് വിളിച്ചു എന്ന് എപ്പൊഴും പറഞ്ഞു കൊണ്ടേ ഇരിക്കുന്നു. (പിണറായി നികൃഷ്ട ജീവി എന്ന് ഒരിക്കലേ പറഞ്ഞുള്ളൂ. ഇനി ഒരിക്കലും പറയാനും പോണില്ല) പക്ഷെ പിണറായി പറഞ്ഞതായി അനേകം തവണ പിണറായിയുടെ എതിരാളികള്‍ "നികൃഷ്ടജീവി! നികൃഷ്ടജീവി!" എന്ന് വിളിച്ചു എന്ന് തുടരെ തുടരെ നമ്മെ ഓര്‍മിപ്പിക്കുമ്പോള്‍ നികൃഷ്ട ജീവി എന്ന് വിളിക്കപ്പെട്ടവരുടെ അപമാനം കൂടുമോ അതോ കുറയുമോ? ഇതൊക്കെ കേട്ട് ചെവി മടുക്കുമ്പോള്‍ എങ്ങനെയെങ്കിലും ഈ പിറവം തിരെഞ്ഞെടുപ്പ് ഒന്ന് കഴിഞ്ഞു കിട്ടിയാല്‍ മതിയായിരുന്നു എന്ന് ആര്‍ക്കും തോന്നിപ്പോവും. പിന്നെ ഭരണത്തില്‍ ഇരിക്കുന്നവര്‍ക്ക് ഒരു മറുപടി കൊടുക്കണം എന്ന് ആര്‍ക്കെങ്കിലും തോന്നിയാല്‍ കുറ്റം പറയാന്‍ പറ്റുമോ?
ബുള്ളെറ്റ്: എല്ലാം കേട്ട് ഇനി പത്രക്കാര്‍ ആരെങ്കിലും മുഖ്യമന്ത്രിയോട് പദ്ധതി കാര്യം ചോദിച്ചാല്‍ ഉത്തരം സ്പഷ്ടം."ബുള്ളെറ്റ് ട്രെയിന്‍? ബുള്ളെറ്റ് ഞാന്‍ ട്രെയിനില്‍ കൊണ്ട് പോകാറില്ല. അങ്ങിനെയൊന്നു വലിയ നിശ്ചയം പോര....എന്നാ ശെരി..." പിന്നെ ഒരു ചിരിയും...
Tweet
Posted in: 
പോസ്റ്റുകള്
